Il med d'instrucziun da NUS per il segund ciclus vegn sviluppà da la chasa editura Schulverlag per incumbensa dal chantun Grischun ed en collavuraziun cun il Post spezialisà per meds d’instrucziun (Uffizi per la scola populara ed il sport, chantun Grischun) sco era la Scola auta da pedagogia dal Grischun.

Cun 16 arranschaments d'emprender cuvra «EinBlick Graubünden / InVista Grischun / Colpo d'Occhio Grigioni» tut ils cuntegns d'impurtanza regiunala da las cumpetenzas 2 sco era 5 fin 12 dal plan d'instrucziun chantunal.

Il med d'instrucziun ...

• vegn mess a disposiziun a las scolaras ed als scolars en tut las linguas da scola.
• encuraschescha da concepir l'instrucziun a moda interactiva e variada.
• promova da scuvrir il conturn direct e l'entir chantun a moda orientada a l'acziun.
• è cumplainamain digital ed ins al po prender cun ins sin girs explorativs.
• pussibilitescha grazia a sia structura modulara ina planisaziun flexibla da l'instrucziun.
• porscha cun il filRouge a las persunas d’instrucziun in instrument da planisaziun e resun persunalisabel.

Il svilup da l’ovra d’instrucziun dura enfin la fin da december 2026. Dapi il settember 2024 cumparan ils singuls arranschaments d'emprender cuntinuadamain. In arranschament d'emprender cuvra tranter 15 fin 30 lecziuns da l'instrucziun da NUS.